Pagal Pagal

Kuch Pagal Pagal...

Pyaar ke deep jalaney waley kuch pagal pagal hotey hein
Apni jaan se janey waley kuch pagal pagal hotey hein

Hijar k gehrey zakhm milley tu mujh ko kuch ehsaas hua
Pagal ko samjhaane waley kuch pagal pagal hotey hein

Jan se pyare loogon se bhi kuch kuch perda lazim hai
Sari baat bataney waley kuch pagal pagal hotey hein

Khabon me b piya milan ke sapney dekhtey rehtey hein
Neendoon mein muskaney waley kuch pagal pagal hotey hein

Iss joothi nagri mein hum ne yahi hamesha deikha hai
Sachi baat bataney waley kuch pagal pagal pagal hotey hein

Pyaar jinhein ho jaye un ko chain bhala keb mill pata hai
Shab bhar ashk bahaney waley kuch pagal pagal hotey hein

Apni zaat k ujrey gulshan se wo pyaar kahan kertey hein
Auroon ko mehkaney waley kuch pagal pagal hotey hein

Us k ISHQ mein bheeg ke hum ko yeh ehsaas hua
Dil ki baat mein aney waley kuch pagal pagal hotey hein